378,17 430.15 5.89
+7 (7172) 757 485 24kz@khabar.kz
ҚАЗ

АХҚО – Қазақстанның дамуындағы маңызды қаржы құралы

  • 292
  • UPD: 12:26, 27.12.2018
АХҚО – Қазақстанның дамуындағы маңызды қаржы құралы

«Қазақстан экономикасы даму үстінде. Елдегі іскерлік істерді ілгері басушылық бар» дейді Дойче Банктің Орталық және Шығыс Еуропа бойынша атқарушы директоры Петер Тильс.

Мысалы, Қазақстан «Дуинг Бизнес» рейтингісі бойынша өзінің көрсеткішін жақсартқан. Маңызды оқиғалардың арасында сарапшы Астана Халықаралық қаржы орталығының ашылуы мен Каспий теңізі мәртебесі жөнінде конвенцияны атап өтті.

Петер Тильс, Deutsche Bank-тің Орталық және Шығыс Еуропа елдері бойынша атқарушы директоры:

- Биылғы жыл Еуропа инвесторлары мен бизнесмендерінің Қазақстан Президентімен кездесуімен есте қалмақ. Брюссельде өткен жүздесу жемісті болды. Сонымен қатар Астана халықаралық қаржы орталығының ашылуын айта кету керек. Бұл орталықтың қалай дамитыны ғаламдық қаржы әлемінің назарында болатыны анық. Мен оны Қазақстан дамуындағы маңызды қаржы құралы деп санаймын. Бұдан бөлек биыл Каспий теңізінің құқықтық мәртебесі айқындалды. Каспий теңізі аймағы біз үшін маңызды.

Хабар 24 телеарнасы