378,17 430.15 5.89
+7 (7172) 757 485 24kz@khabar.kz
ҚАЗ

ҚР ҰБ базалық мөлшерлемені 9,25% деңгейде сақтау туралы шешім қабылдады

  • 405
  • UPD: 23:48, 14.01.2019

14 қаңтарда Ұлттық банк базалық мөлшерлемені +/-1 пайыздық мөлшерлемелердің дәлізімен 9,25% деңгейде сақтау туралы шешім қабылдады.

Өтімділікті ұсыну және алу операциялары бойынша мөлшерлемелер, тиісінше 10,25% және 8,25% деңгейде өзгеріссіз қалдырылды. Бұл туралы Қазақстан Ұлттық банкінің төрағасы Данияр Ақышев телевизиялық БАҚ үшін брифинг барысында айтып берді.

Ол ресми қайта қаржыландыру мөлшерлемесінің 9,25% деңгейде қалғандығын атап өтті. «Ағымдағы шешім кезінде жылдық инфляцияның нақты деңгейі, оның ағымдағы жылғы болжамдық мәндеріне және бағаларына сәйкестігі, сондай-ақ халықтың инфляциялық күтулерінің байқалып отырған төмендеуі назарға алынды», – деп түсініктеме берді Д.Ақышев.

Ол жылдық инфляцияның нысаналы дәлізге сәйкес деңгейде қалыптасатындығын қоса атап өтті. Оның айтуынша, базалық мөлшерлеменің ағымдағы деңгейі едәуір күйзелістер болмағанда 2019 жылдың соңында 4-6% жаңа дәліздің ішінде инфляцияның қалыптасуын қамтамасыз ететін болады.

«Бұл ретте Қазақстан Ұлттық банкі әлемдік нарықтардағы, атап айтқанда мұнайдың әлемдік нарығындағы үрдістерді, сондай-ақ басқа елдердің орталық банктеріндегі өздерінің мөлшерлемелерінің деңгейі бойынша шешімдерін мұқият қадағалайды», – деді Д.Ақышев.

Қазақстан Ұлттық банкінің басшысы инфляцияны нысаналы дәліздің шегінен тыс жібермеудің алдын алу Ұлттық банктің міндеті болып табылатындықтан сыртқы сектор тарапынан тәуекелдерді бағалаудың басым екендігін атап өтті. «Негізгі шикізат нарықтарында нақты құбылмалылықтың ішкі макроэкономикалық көрсеткіштерге және қаржы секторының көрсеткіштеріне ықпалы күшейген кезде ақша-кредит саясатын қатаңдату туралы шешім базалық мөлшерлеменің деңгейін кейіннен қарау кезінде қабылдануы мүмкін», – деді Д.Ақышев.

Базалық мөлшерлеме бойынша кезекті шешім 2019 жылғы 4 наурызда Астана уақытымен сағат 17:00-де жарияланады.

Хабар 24 телеарнасы