386,34 428,03 5.89
+7 (7172) 757 485 24kz@khabar.kz
ҚАЗ


Банк несие рәсімдеу шарттарына қатаң талап қою қажет – сарапшы

  • 175
  • UPD: 12:09, 18.07.2019

Қазақстандағы несиелік жүктемені мемлекет тарапынан жабуға қатысты жарлықты Украина сарапшылары талқылап жатыр, деп хабарлайды «Хабар 24».

Экономика сарапшысы Борис Кушнируктың айтуынша, мемлекеттің қамқорлығы орынды. Алайда, банк несие рәсімдеу шарттарына қатаң талап қою қажет. «Әсіресе, қарыз алушының төлем қабілетіне сараптама жасалуы тиіс», - дейді ол.

Борис Кушнирук, экономика саласының сарапшы маманы:

- Қазақстан Президенті бұл әлеуметтік көмектің нақты мақсаты бар деп баса айтты. «Ел азаматтарының борыш жүктемесін азайту шаралары туралы» Мемлекет басшысының Жарлығы ең алдымен қиын жағдайға тап болып, қарызын өтей алмай отырған көпшілікке бағытталған. Дегенмен, банктер пайыздық мөлшерлемені азайтып, немесе борышкердің ай сайынғы төлемін қысқарту мәселесін қайта қарастырғаны дұрыс.

Хабар 24 телеарнасы