419,02 492,14 5.75
+7 (7172) 757 485 24kz@khabar.kz
ҚАЗ


320 мыңнан астам қазақстандықтың банктегі шоттарынан шектеу алынды

  • 290
  • UPD: 17:07, 07.04.2020
320 мыңнан астам қазақстандықтың банктегі шоттарынан шектеу алынды

Биылғы 4-6 сәуір аралығында мемлекеттік кірістер органдары жеке кәсіпкерлер мен жеке практикамен айналысатын тұлғалардың 320 мыңнан астам банктік шоттарына қойылған шектеулерді алып тастады, деп хабарлайды ҚазАқпарат.

ҚР Қаржы министрлігі Мемлекеттік кірістер комитеті мәлім еткендей, бұл 42500 теңге көлеміндегі әлеуметтік жәрдемақыны алуына мүмкіндік беру үшін жасалды.

«Мемлекет басшысының тапсырмасын орындау шеңберінде Мемлекеттік әлеуметтік сақтандыру қорынан төтенше жағдайға байланысты табысынан айырылған адамдарға 42500 теңге сомасында ай сайынғы әлеуметтік көмекті аудару басталды. Осыған орай өңірлік Мемлекеттік кірістер департаменттері тәуекел дәрежесі жоғары салық төлеушілерді қоспағанда жеке кәсіпкер ретінде тіркелген жеке тұлғаларға және жеке практикамен айналысатын тұлғаларға қатысты шығарылған банк шоттары бойынша шығыс операцияларын тоқтата тұру туралы өкімдер мен инкассалық өкімдерді кері қайтаруда», - делінген ақпаратта.

Хабар 24 телеарнасы