418,52 493,00 5.72
+7 (7172) 757 485 24kz@khabar.kz
ҚАЗ


Атырауда кәсіпкерлік нысандар жұмысын бастады

  • 182
  • UPD: 11:58, 01.06.2020

Мұнайлы өңірге енгізілген карантин режимі аяқталды. Бүгіннен бастап Атырау қаласында кәсіпкерлік нысандары қауіпсіздік ережелерін қатаң сақтай отырып, қызмет көрсетуді қайта бастады.

Облыстың бас мемлекеттік санитарлық дәрігерінің қаулысына сәйкес, шаһарға кіріп-шығуға толықтай рұқсат етілді. 2 ай бойы карантинде отырған халық бұл өзгеріске қуанышты. Бүгінгі қала тіршілігі туралы тілшімізден сұрап білсек. Екі ай дегенде алынған карантин режимінен соң мұнайлы шаһарда қандай өзгеріс бар? 

Асланбек Шығыров, тілші:

- Індетке шалдығу көрсеткіші 7 пайыздан төмен болуына байланысты Атырауда 2 ай дегенде карантин режимі аяқталды. Қалаға кіреберісте орнатылған 4 блокбекет жұмысын тоқтатты. Қазір біз Атырау-Индер бағытындағы Алмалы бекетінде тұрмыз. Бұл жердегі кедергі сағат түнгі 12:00-де алынды. Енді тұрғындардың қалаға кіріп шығуына толықтай рұқсат берілді. Сондай-ақ бүгіннен бастап шаһардағы көптеген нысан өз жұмысына кірісіп жатыр. Жалпы көлемі 2 мың шаршы метрден асатын ірі сауда нүктелері, ойын-сауық орындары, фитнес орталықтар, сауналар мен моншалар қызмет көрсетуді бастады. Ал 3 маусымнан бастап базарлар мен азық-түліктік емес ірі сауда орындары санитарлық-дезинфекциялық талаптарды қатаң сақтай отырып, жұмысын бастайды. Бұл әрине індеттің беті қайтты деген сөз емес, қауіпсіздік шараларын сақтап, маска тағып, 1,5-2 метр арақашықтықты сақтап жүру әлі де талап етіледі.

Айта кетейік, аурудың көп таралуы салдарынан Жылыой ауданы мен Мақат ауданының Мақат кентінде карантин режимі сақталады. Кіріп шығуға тыйым салынып отыр.

Хабар 24 телеарнасы