428,35 499,00 5.47
+7 (7172) 757 485 24kz@khabar.kz
ҚАЗ


Қазақстан ОПЕК+ келісімі аясында қабылданған міндеттемелерді орындауда

  • 208
  • UPD: 16:49, 05.08.2020
Қазақстан ОПЕК+ келісімі аясында қабылданған міндеттемелерді орындауда

Сәуір айында Қазақстан ОПЕК+ қатысушы елдер арасында 2020 жылдың мамыр-шілде айларында мұнай өндіруді тәулігіне 9,7 млн баррельге дейін ұжымдық қысқарту туралы келісім бойынша жаңа міндеттемелерге қосылды, деп хабарлады ҚР Энергетика министрлігінің баспасөз қызметі.

ОПЕК+ келісіміне қатысу сұраныс пен ұсыныс теңгерімін және мұнай бағасын қалпына келтіруге бағытталған. Қоймаларда мұнайдың толып кету қаупін болдырмау үшін Энергетика министрлігі орта, ірі және алып кен орындарында өндірісті шектеу туралы шешім қабылдаған болатын. Кен орындарының барлық түрі үшін мұнай өндіруді қысқарту бойынша міндеттемелерді әділ бөлу көзделді.

Қазақстан өз міндеттемелерін орындау үшін қажетті шараларды қабылдайды. Келісімге сәйкес Қазақстанның шілде айындағы міндеттемелері тәулігіне 1,319 млн баррельді құрайтын. Алдын ала мәліметтер бойынша шілде айында орташа тәуліктік өндіру тәулігіне 1,313 млн баррель немесе міндеттемелердің 101% құрады. Республика келісімнің міндеттемелерін орындағаны туралы деректерді ОПЕК+ хатшылығына жолдады.

Мәмілеге қатысу арқасында нарықтың қатысушылары мұнай өндірудің бақыланатын және біртіндеп төмендеуіне қол жеткізді, бұл өз кезегінде әлемдік мұнай саласына оң әсер етті.

Хабар 24 телеарнасы