420,18 511.30 5.71
+7 (7172) 757 485 24kz@khabar.kz
ҚАЗ

Ұлттық банк теңге бағамын реттеуге 1,9 млрд доллар бөлген

  • 82
  • UPD: 17:51, 13.01.2021
Ұлттық банк теңге бағамын реттеуге 1,9 млрд доллар бөлген

Былтыр Ұлттық банк валюта нарығын реттеуге шамамен 2 миллиард доллар жұмсады. Бұл туралы қаржы ұйымы төрағасының орынбасары Әлия Молдабекова хабарлады.

Молдабекованың айтуынша, бұл қаражаттың басым бөлігі наурыз айында, яғни коронавирус індеті тарала бастағанда бөлінген. Осы кезеңде валютамыз долларға шаққанда 448,5 теңгені құрады. Бұл індет бүкіл әлем экономикаларына кері әсерін тигізді. Мұның салдарын жою үшін Ұлттық банк бірқатар шараны қолға алған. Мәселен, қаржы операцияларын орындау тәртібі өзгертіліп, ақша айырбастау бекеттерінде валютаны сатып алу-сату шектері бекітілді. Қиыншылықтарға қарамастан банктің алтын қоры 6,7 миллиард долларға ұлғайды.

«Халықаралық сарапшылардың пікірінше, биыл дамып келе жатқан елдердің экономикасы қалпына келуі тиіс», - деді Әлия Молдабекова.

Хабар 24 телеарнасы