Қызылорда облысында шетелге қамысты экспорттау басталған, деп хабарлайды «Хабар 24».
Алғаш рет Германияға 685 тонна қамыс жөнелтілген. Аймақта ауыл шаруашылығы өнімдерін сыртқа жөнелту көлемі 9 процентке өскен. Яғни өңірде пандемияға қарамастан экспорт көлемі төмендемеген. Бұл туралы облыс әкімі Гүлшара Әбдіқалықова халық алдыңдағы алғашқы есебінде айтты.
Гүлшара Әбдіқалықова, Қызылорда облысының әкімі:
– Біз әлемнің 17 еліне ауыл шаруашылығы өнімдерінің 11 түрі экспорттадық. Өткен жылы күрішшілеріміз гектарына 61,8 центнерден өнім алып, 550 мың тоннадан астам күріш жинап, жоғары көрсеткішке қол жеткіздік. Сондай-ақ балық шаруашылығын дамытудың 2030 жылға дейінгі өңірлік бағдарламасын әзірледік. Оған шамамен алдағы жылдарда кезең кезеңімен 29 млрд теңге бағытталатын болады.