423,81 504.32 5.82
+7 (7172) 757 485 24kz@khabar.kz

ҚДКБҚ депозиттер бойынша 2021 жылдың сәуіріне максималды мөлшерлемелерді жариялады

  • 205
  • UPD: 10:33, 01.03.2021
ҚДКБҚ депозиттер бойынша 2021 жылдың сәуіріне максималды мөлшерлемелерді жариялады Platon.Asia

Қазақстанның депозиттерге кепілдік беру қоры (ҚДКБҚ) теңгелік депозиттер бойынша 2021 жылдың сәуір айына ұсынылатын ең жоғары сыйақы мөлшерлемелерін бекіткендігін хабарлайды.

Ең табысты салым – әдеттегідей толықтыру құқығы жоқ, мерзімі 12 айлық жинақ депозиттер – 14%. Еске саламыз, теңгелік жинақ депозиттер бойынша жоғары мөлшерлемелермен қатар көтеріңкі кепілдік сомасы да қарастырылған – 15 млн теңге.

2021 жылдың ақпанында Қазақстанның Ұлттық банкінің базалық мөлшерлемесінің деңгейі қайта қаралмағандықтан, қысқа мерзімді депозиттер бойынша максималды мөлшерлемелер бұрынғы деңгейінде қалды. Еске саламыз, олардың деңгейі осы базалық мөлшерлемеге тәуелді, деп хабарлайды kdif.kz.

Мерзімді депозиттердің нарықтық мөлшерлемелерге тәуелді мөлшерлемелері де өзгеріссіз қалды. Өйткені жүйелік деңгейде тиісті өнімдер бойынша банктер ұсынатын мөлшерлемелерге қатысты қандай да бір айқын үрдіс байқалған жоқ.

Нарықта 24 айға ашылатын жинақ салымдар бойынша нарықтық мөлшерлемелердің төмендеу үрдісіне байланысты олар бойынша мөлшерлемелер аздап төмендеді.

Хабар 24 телеарнасы