427,82 518.00 5.92
+7 (7172) 757 485 24kz@khabar.kz
ҚАЗ

ЕАДБ Астарахань - Маңғышлақ магистральді су таратқышына қаржы бөлуге дайын

  • 216
  • UPD: 23:04, 04.06.2021
ЕАДБ Астарахань - Маңғышлақ магистральді су таратқышына қаржы бөлуге дайын

Еуразиялық Даму банкі Астарахань - Маңғышлақ магистральді су таратқышын қайта құру және кеңейту ісіне қаржы бөлуге дайын екенін мәлімдеді, деп хабарлайды «Хабар 24».

Еуразиялық Даму банкі мен «Қазмұнайгаз» және «ҚазТрансОйл» компанияларының арасындағы келісімге Петербор халықаралық экономикалық форумының алаңында қол қойылды. Су таратқышты қайта құру туралы тапсырманы Үкіметке президент Қасым-Жомарт Тоқаев тапсырған болатын. Бұл нысан Атырау облысының Құрманғазы, Исатай және Жылыой аудандарындағы, сондай-ақ Маңғыстау облысының Жаңаөзен қаласы және Бейнеу, Маңғыстау, Қарақия, Түпқарағай аудандарындағы тұтынушылар үшін бірден бір су көзі. Еуразиялық Даму банкінің мәліметі бойынша, Қазақстан – Еуразия құрлығындағы ең су тапшы елдердің бірі. Су қорының көлемі орташа алғанда бір адамға жылына 6 мың текше метр деп есептеледі. Мысалы, Ресейде бұл көрсеткіш 5 есе көбірек. Астарахань – Маңғышлақ магистральді су таратқышын қайта құру және кеңейту, оның қуатын күніне 110 мың текше метрден 170 мың текше метрге ұлғайтуға мүмкіндік береді.

Амангелді Исенов, Еуразиялық даму банкі басқарма төрағасының орынбасары:

– Жоба биылғы жылдың аяғына қарай немесе келесі жылдың басында басталады деп топшылап отырмыз. Қазір жоба құнын алдын ала есептеп жатырмыз. Бірінші кезеңге 125 млрд теңге керек деп ойлаймыз.

Николай Подгузов, Еуразиялық даму банкі басқармасының төрағасы:

– Несие келісіміне сәйкес қаржыландыруды теңгеге шаққандағы негізгі мөлшерлемеге жақын меже бойынша ұсынамыз. Бұл тамаша шарттар. Осылайша біз Батыс Қазақстандағы бизнес пен өнеркәсіптің өркендеуіне жаңаша серпін бермекпіз. Жоба өзін толық ақтайды.

Хабар 24 телеарнасы