424,60 504.60 5.74
+7 (7172) 757 485 24kz@khabar.kz
ҚАЗ

Елімізде тамақтану орындарының табысы 90 процентке кемиді

  • 68
  • UPD: 12:48, 16.07.2021
Елімізде тамақтану орындарының табысы 90 процентке кемиді

Шектеулер жеңілдемесе мегаполистердегі мейрамхана, кафе, барлардың табысы 90 процентке кемиді.

Қазақстанның қоғамдық орындарда тамақтану қауымдастығы осындай пайым жасады. Олар күндік табысы 7 миллион болатын бір нысанды мысалға алды. Егер карантин талаптарына сай жұмыс күні кешкі сегізге дейін, ал сенбі, жексенбі жабық тұрса, 6 миллион теңге табыстан қағылады. Сәйкесінше ондағы қызметкерлер де қысқарып, жұмыссыздар көбейеді. Кәсіпкерлер тығырықтан шығудың түрлі жолын қарастырып жатыр. Соның бірі «Ашық» қосымшасы арқылы қызметін жалғастыру. Сондай-ақ мамандарының жартысынан көбі вакцина алған нысандарда жұмыс уақытын түнгі 12-ге дейін ұзартып, сенбі, жексенбі қонақ қабылдауға рұқсат беру туралы ұсыныс жасады. Қауымдастық өкілдерінің мәліметіне қарағанда қазір 49 мыңдай қоғамдық тамақтану орыны жұмыс істейді. Ондағы қызметкерлердің 60 проценті вакцина салдырған.

Хабар 24 телеарнасы