425,75 504.32 5.84
+7 (7172) 757 485 24kz@khabar.kz

Президент «Лукойл Лубрикантс Орталық Азия» кәсіпорнына барды

  • 150
  • UPD: 16:00, 22.08.2021
Президент «Лукойл Лубрикантс Орталық Азия» кәсіпорнына барды Ақорда

Қасым-Жомарт Тоқаев Алматы облысына сапары барысында Іле ауданындағы «Лукойл Лубрикантс Орталық Азия» жауапкершілігі шектеулі серіктестігінің жағармай шығаратын зауытында болды, деп хабарлайды Ақорданың баспасөз қызметі.

Мемлекет басшысына жұмыс барысы мен шығарылатын өнімдер көрсетілді. Сонымен қатар, кәсіпорынның қазіргі жұмысы мен технологиялық тұрғыдан жаңғырту жоспары туралы ақпарат берілді.

Зауытты аралап көрген Президент компанияның жұмыстарына оң баға беріп, табысты дами берулеріне тілектестік білдірді.

Жобалық қуаты жылына 100 мың тонна жағармай өндіретін зауыт 225 адамды жұмыспен қамтып отыр. Инвестициялық жобаның құны – 94 миллион доллар.

Хабар 24 телеарнасы