426,32 492.05 5.98
+7 (7172) 757 485 24kz@khabar.kz

Алматы облысындағы G4 City атты жаңа төрт қаланың құрылысы талқыланды

  • 135
  • UPD: 17:32, 29.09.2021
Алматы облысындағы G4 City атты жаңа төрт қаланың құрылысы талқыланды Ақорда

Мемлекет басшысының сингапурлық Surbana Jurong компаниясының бас директоры Вонг Хеанг Файнмен кездесуінде Алматы агломерациясын дамытуға қатысты инвестициялық жобаларды жүзеге асырудың перспективалары талқыланды.

Бұл туралы Ақорданың баспасөз қызметі хабарлайды.

Президентке компанияның Алматы облысындағы «G4 City» деп аталатын жаңа төрт қаланың құрылысын отандық инвесторлармен серіктесе отырып жүргізу жөніндегі жоспары таныстырылды. Қазіргі уақытта «G4 City» құрылысының жобасын іске асыру жөніндегі жол картасы мен Мастер-жоспар әзірленген. Бұл Жол картасы қала құрылысының құжаттарын дайындау, инженерлік және әлеуметтік инфрақұрылым, қолайлы инвестициялық климат қалыптастыру мәселелерін қамтиды.

Қасым-Жомарт Тоқаев Сингапурмен инвестициялық ынтымақтастықты нығайтудың стратегиялық маңызына тоқталып, аталған жоба бойынша шетелдік серіктестерге мемлекет тарапынан қолдау көрсетілетіні туралы айтты.

Хабар 24 телеарнасы