Ұлттық банк: Доллар тапшылығы жоқ  

Елде доллар жеткілікті. Соңғы кезде қаржы нарығында қалыптасқан жағдайға, әсіресе, айырбастау пункттерінде шетел валютасы жетіспейді деген ақпараттарға қатысты Ұлттық Банк түсініктеме берді.

Банк Төрағасының орынбасары Әлия Молдабекованың айтуынша, қазір шетел валютасына сұраныс компаниялар тарапынан да,  халық тарапынан да өскен. Қазір әсіресе онлайн режимдегі ақша айырбасы өтімді. Бір айта кетерлігі, былтыр 1 қаңтардан бастап айырбастау пункттеріне талап күшейгендіктенн биыл олардың саны шамамен 40%-ға қысқарған. Ал сұраныстың өсуі биржадағы валюта бағамдары мен айырбастау пункттеріндегі валюта бағамдары арасындағы айырмашылықтың артуына алып келгенімен, қолма-қол доллардың жетіспеушілігі байқалмайды. Айырбастау пункттеріне сату көлемін және сату бағамын банктер өздері белгілейді.