KASE сауда-саттық операциялары жанданады

12 қаңтар, яғни ертеңнен бастап KASE валюта алаңында сауда-саттық қайта жанданады. Сонымен бірге екінші деңгейлі банктер және банктік емес айырбастау пункттерінің жұмысы, халықаралық төлемдер мен аударымдар іске қосылады.

Банк өтімділігін қолдау үшін Ұлттық Банк стандартты құралдардан бөлек Қазақстан қор биржасында репо операциялары арқылы өтімділікті 3 айға дейін қолдау тетігін іске қоса бастады. Осылайша екінші деңгейлі банктердің қажеттілігі толық өтелмек. Жағдай толық тұрақталғанға дейін Ұлттық Банк нарықтың ішкі, сыртқы қатысушыларының теңгеге деген сенімін қалпына келтіру бойынша тиісті шараларды қолға алады.