Халықты жұмыспен қамтитын жаңа өндіріс орындарын ашу маңызды – Президент

Бүгін Мемлекет басшысы Индустрия және инфрақұрылымдық даму министрі Қайырбек Өскенбаевты қабылдады, деп хабарлайды «Хабар 24».

Қайырбек Өскенбаев Қасым-Жомарт Тоқаевқа өңдеу өнеркәсібін дамыта отырып, жаңа жұмыс орындарын ашу жөніндегі тапсырмаларының орындалу барысы туралы айтты. Осы тұста, Мемлекет басшысы халықты жұмыспен қамтитын жаңа өндіріс орындарын ашудың маңызды екенін атап өтті. Сондай-ақ Президент құрылыс саласын дамыту және оны монополиядан тазарту, инвестиция тарту, жаңа өнеркәсіптік кәсіпорындар ашу және көлік әлеуетін күшейту жөнінде тапсырма берді. Сонымен қатар Қазақстан аумағы арқылы өтетін транзиттік тасымал көлемін арттыру, өнеркәсіп, көлік және құрылыс салаларын цифрландыруға баса назар аудару қажет екенін айтты.