Қазақстанның Әзербайжанмен және Грузиямен жасаған келіссөздерін ескеріп, жүк тасымалына арналған баламалы көлік дәліздерін пайдалану керек.
Дағдарысқа қарсы шаралар жөніндегі жедел штаб отырысында Премьер-министр осы мүмкіндіктерді қарастыруды тапсырды. Көлік және сауда мәселесіне арналған жиында, бизнес өкілдерінің өтініші пысықталды. Құрылыс, жеңіл өнеркәсіп, аккумулятор, кабель-өткізгіш өнімдерін өндіруші, 16 отандық кәсіпорынның жай-күйі қаралды. Әлихан Смайылов экономикаға әсер ететін тауарларға импорттық кедендік баждарды алып тастауды қарастыруды тапсырды. Ішкі нарықты азық-түлікпен қамтып, импорттық тауарларды пайдаланатын өндірушілердің экономикалық белсенділігін қолдауға мүмкіндік ашылады. Жедел штабтың келесі отырысы 10 наурызда өтеді.