Өнім сапасын арттыру мақсатында шағын мұнай зауыттарына қойылатын техникалық талап күшеюге тиіс.
Сонымен қатар регламентке сәйкес келмейтін өнім шығарғаны үшін зауытқа салықтық және кедендік жеңілдік берілмеуі керек.
Премьер-министрдің төрғалығымен өткен Экономиканы демонополизациялау жөніндегі комиссияның кезекті отырысында осындай ұсыныстар қаралды. Жанар-жағармайды жөнелту кезінде теміржол қызметінің құны негізсіз шарықтап кетеді. Осы ретте жекелеген компаниялардың бассыздығына жол бермеу үшін тарифтерді төмендету ұсынылды. Сондай-ақ нарықтың қатысушылары үшін зауыттардағы мұнай өнімдерін сақтаудың бірыңғай ережесі бекітілуге тиіс. Әлихан Смайылов энергетика министрлігіне осыны әзірлеуді тапсырды. Премьер-Министр уәкілетті мемлекеттік органдарға бағалық сөз байласуға әкелетін жағдайларды анықтауды және қажетті нарық тетіктері бойынша ұсыныстар енгізуді тапсырды.