2029 жылға қарай өңірлерді газбен қамту 63,4%-ке жетеді

Тауарлық газ өндірісі 25,5%-ке, көмір өндіру 3%-ке артып, мұнай, газ, химия өнімдерінің көлемі де 6,5 есеге ұлғаяды. Отын-энергетика кешені мен электр энергетикасы саласын дамытудың тұжырымдамасын таныстырған сала басшысы Болат Ақшолақов осылай деді.

Сондай-ақ электр энергетикасына қатысты жаңа жобалардың арқасында 12 ГВт-қа жуық қосымша қуат алуға мүмкіндік туады. Жаңартылатын энергияның үлесін 12,5%-ке жеткізу де жоспарда бар. Премьер-Министрі Әлихан Смайылов республиканың бірыңғай энергия жүйесін құру жұмыстарын тиімді жүргізуді тапсырды.