Қазақстан-Әзербайжан сауда байланысы 1 млрд долларға жетеді

Қазақстан мен Әзербайжан арасындағы сауда байланысы 1 млрд долларға жетпек.

Қазірдің өзінде көрсеткіш 40%-ға артып, 185 млн долларды құрады. Елге ресми сапармен барған Әлихан Смайылов тараптар арасындағы сауда-экономикалық қарым-қатынастарды кеңейту бойынша жұмыс жасалып жатқанын айтты. Сапар барысында Қазақстан Премьері Әзербайжан Президенті Ильхам Әлиевпен кездесіп, Қасым-Жомарт Тоқаевтың ыстық сәлемін жеткізді. Әлихан Смайылов өз сөзінде Әзербайжан халқының Жалпыұлттық көшбасшысы Гейдар Әлиевтің 100 жылдық мерейтойының маңызы зор екенін атап өтті.

Әлихан Смайылов, ҚР Премьер-министрі:

- Әзербайжан еліміздің Оңтүстік Кавказдағы ең маңызды сауда-экономикалық серіктесі. Былтырғы жылдың қорытындысы бойынша екіжақты тауар айналымы $460 млн асты. Жалпы екі ел арасындағы байланыс сенім мен түсіністікке құралған. Бұл көпке үлгі үрдіс.