Астана төрінде өтіп жатқан «ЭКСПО» көрмесі ел тұрғындары мен шетелдіктерді тамсандырып қана қойған жоқ, әлемдік баспасөз құралдарының да жіті назарын аударып отыр. Мәселен, атақты бельгиялық журналист Антонио Бускардини Brussels Express ақпараттық порталында «Болашақ энергиясы – Орталық Азиядағы пікірталас» атты мақала жазып, онда өз таңданысын былай деп жеткізіпті. «2017 жыл – Қазақстан тарихы үшін өте маңызды кезең. Мемлекет қаңтар айында Орталық Азиядағы елдер арасында алғаш рет БҰҰ Қауіпсіздік кеңесінің мүшесі ретінде жауапты жұмысқа кірісті. Шараның мақсаты – Астанадағы алаңда әлем үшін маңызды тақырыпты талқылау. 115 мемлекет, 22 халықаралық ұйым, көптеген халықаралық компаниялар үш ай бойы баламалы энергияға қол жеткізу және парниктік газдардың мөлшерін азайту мақсатында қауіпсіз және тұрақты жолдарды сарапқа салады. Қазақстан – мұнай, газ, уран және басқа да қазба байлықтарын экспорттаушы ірі елдердің бірі. Бірақ бұл жағдай баламалы қуат көздерін дамытуды мақсат еткен Астанада ашылған шараға еш қайшы келмейді».