Ақтөбе облысында қар құрсауында қалғандар құтқарылды

Ақтөбе облысында қар құрсауында қалған жолаушылар құтқарылды.

Үшінші күн қатарынан қатты соққан боранға қарамай жолға шыққан 30-ға жуық жеңіл және 20-дан астам жүк көлігіне арнайы көмек көрсетілді. Олар ауа райының қолайсыздығына байланысты жолда тұрып қалған. Тіпті халықаралық маңызы бар "Самара-Шымкент" тас жолының Әйтеке би ауданы Қарабұтақ ауылына дейінгі бөлігі көліктің барлық түрі үшін жабылады. Қазір жол қауіпсіздігін қамтамасыз ету үшін 50-ден астам маман мен 17 автокөлік жұмылдырылды.