Елімізде геолог күні атап өтіліп жатыр

Бұл жер қойнауын жетік меңгерген мамандардың төл мерекесі.

Атаулы күн сәуірдің алғашқы жексенбісінде атап өтіледі. Елде геология саласының әлеуеті жоғары. Экономиканың қарыштап дамып, ғылым мен өндірістің етек жаюында оның алатын орыны ерекше. Мемлекет басшысының тапсырмасымен тұңғыш рет "Қазақстанның еңбек сіңірген геологы" құрметті атағы тағайындалды. Мерекеге орай ел аумағында жер қойнауын барлаушыларға айрықша құрмет көрсетіліп, мерекелік шаралар мен кәсіби кездесулер ұйымдастырылды. Ал сала ардагерлері мен үздік мамандар арнайы марапаттарға ие болды.