Ұлттық жоба инженерлік желілердің тозуын 40 пайызға төмендетеді
Энергетика және коммуналдық секторларды жаңғыртуға бағытталған Ұлттық жобаны іске асыру инженерлік желілердің тозуын 40 пайызға төмендетеді. «AMANAT» партиясы фракциясының кеңейтілген отырысында сөз сөйлеген Премьер-министр Олжас Бектенов осылай деді.
Ол саланы жаңғыртуға бағытталған ұлттық жоба "Тарифті инвестицияға айырбастау" бағдарламасының жалғасы екенін атап өтті. Екі жарым жылда инженерлік инфрақұрылымды, жылу көздерін, түрлі желілерді жаңғыртуға 600 млрд теңгеден астам инвестиция тартылған. Соның нәтижесінде тозу деңгейі 6,2 пайызға төмендеді.