Қарағанды облысында әуе қорғанысы күштерінің жаттығуы өтті
Қазақстанда алғаш рет әуе қорғанысы күштерінің автоматтандырылған басқару жүйесі сынақтан өтті.
Әскери тактикалық жиында көктен төнген қауіптен қорғану және қайта тойтарыс беру жаттығулары пысықталды. Онда әуе шабуылына қарсы қорғаныс бөлімшелері мен майдандық авиация экипаждары бірлесіп, әуе нысандарын атқылады.
Нұрзат Қызыр, қатардағы жауынгер:
- Мен сарбаз болсам да әуе кеңістігін қорғап жүргеніме мақтанамын. Менің мақсатым зымырандарды сүйемелдеу. 9 айда өз техникамыздың қыр-сырын үйреніп, “Жауынгерлік достастық - 2025” жаттығуында дайындалып жатырмыз.