Қазақстандық сарбаздар дзюдомен шұғылданады
Астанада Қорғаныс министрі Дәурен Қосанов пен Халықаралық дзюдо федерациясының президенті Мариус Визер ынтымақтастық туралы Меморандумға қойды, деп хабарлайды «24KZ».
Қорғаныс министрлігінің жоғары әскери оқу орындары мен колледждерінің оқыту бағдарламаларына Халықаралық дзюдо жүйесі кезең-кезеңмен енгізіледі. Дзюдо элементтері де Қарулы күштер әскери қызметшілерінің дене шынықтыру сабақтарына біріктірілмек.
Материалдық-техникалық базаны нығайтуға ерекше назар аударылатын болады. Халықаралық дзюдо федерациясы мен «Жеңіс» клубының қолдауымен әскери білім беру ұйымдарын татами, спорттық жабдықтармен және кимономен қамтамасыз ету көзделген.
Сонымен қатар, курсанттар арасында дзюдо лигаларын құру жоспарланып отыр. Мұндай бірлестіктер техникалық шеберлікті арттыруға, бәсекелестікті дамытуға және осы спорт түрін танымал етуге ықпал етеді.