БҚО-да Жайық өзеніне жаңа автомобиль көпірі салынады

Батыс Қазақстан облысында Жайық өзені арқылы өтетін жаңа автомобиль көпірі салынады. Орал өңіріне арнайы барған Көлік министрлігінің мамандары құрылыс жобасын әзірлеу барысымен танысты.

Алда 8 шақырым тасжол мен екі көпірді салу көзделіп отыр. Арналық көпірдің ұзындығы - 513 метр, өзен жайылма-сындағы көпірдің ұзындығы 1710 метр. Меже орындалса «Ақтөбе - Орал - Ресей Федерациясының шекарасы» халықаралық маңызы бар автомобиль жолында барыс-келіс жанданып, логистикалық мүмкіндігі молая түседі.