Бүгін - Арапа күні

Қажылық парызын өтеу үшін қасиетті Меккеге жиналған миллиондаған мұсылмандар Арафат тауына бір мезет тұрақтайды.

Биыл әлем елдерінен екі жарым миллионнан астам мұсылман Сауд Арабиясына барды. Қажылардың арасында 4 мың қазақстандық бар. Жалпы Дінімізде "Арапа" сөзі қасиетті ұлық мерекенің бастауын білдіреді. Осы күні жасалған ізгі амалдардың сауабы бірнеше еселеніп беріледі. Сондай-ақ, қажылыққа бармаған мұсылмандарға бүгін ораза ұстап, дұға тілеу сауапты іс саналады. Ал ертең мұсылмандар үшін ұлық мереке Құрбан айт басталады.