Жезқазғанда автобус аялдамалары жаңартылып жатыр

Шілде айының соңына дейін 40-қа жуық аялдама павильоны орнатылады, деп хабарлайды «Хабар 24».

Бұл мақсатқа қалалық қазынадан 190 млн теңге бөлінді. Жаңадан қойылатын аялдамалардың 28-і – заманауи павильон . Жазда салқын, қыста жылы. Жағалай жарық шамдары орнатылады. Ал осыған дейін тұрған ескі үлгідегі аялдамалардың іске жарамдылары қаланың шеткері аудандарына көшіріледі. 

Нұрбол Садықов, қалалық ТҮКШ, Жолаушылар көлігі мен автокөлік жолдары бөлімінің сектор меңгерушісі:

- 39 аялдаманың 25-інің қаңқасы қала бойынша орнатылды. Қалған 14-і дайын, ағымдағы жылдың шілде айының аяғына дейін орнатылатын болады. Қазіргі таңда, көріп тұрғандарыңыздай, аялдамалардың электр желілерін тарту және төбесін орнату бойынша жұмыстар жалғасып жатыр.