ШҚО-дағы өртті пойызбен сөндіреді

Шығыс Қазақстан облысы Ұлан ауданындағы өртті сөндіруге арнайы пойыз жұмылдырылды, деп хабарлайды «Хабар 24».

Қызыл жалын күндіз Смолянка ауылының шетіндегі қураған шөп пен бұталарды шарпыған. Қатты желдің салдарынан от ошағының ұлғаю қауіпі туындады. Оның үстіне ауыл таулы аймақта орналасқандықтан, отқа беттеу де оңайға түспеді. Дегенмен қазір елді мекенге қауіп жоқ. Өртті өшіруге 71 құтқарушы мен 10 техника тартылды.