ТЖД ауа райына байланысты көлік иелеріне ескерту жасады
Солтүстік Қазақстан облысында ауа температурасы 10 градусқа дейін төмендеуі мүмкін.
Өңірде қар жауып, күннің суытуына байланысты төтенше жағдайлар Департаменті тұрғындарға көлікпен алыс сапарға шықпауға кеңес береді
СҚО
Әсет Шайкин, СҚО ТЖД алдын алу бөлімінің бастығы:
- Төтенше жағдайлар департаменті алыс сапарлардан бас тартып, балалардың қауіпсіздігін қамтамасыз етуге шақырады. Жылыту маусымының басталуына байланысты пеш, газ және электр құрылғыларын пайдалану кезінде өрт қауіпсіздігі ережелерін сақтау қажеттігін қатаң ескертеді.
Мамандар күн райы мен дауылды ескертулерге назар аудару керектігін ескертеді
Құтқарушылар жолда қалған жолаушыларға көмекке келді. Бүгін түнде құтқарушыларға Ерейментау ауданы "Астана-Павлодар" автожолының 159 шақырымында жеңіл автокөліктің тұрып қалғаны туралы хабарлама келіп түсті. Жолаушыларды құтқаруға арнайы техника жіберілді. Төрт адам Ерейментау қаласындағы жылыту пунктіне жеткізілді, медициналық көмек қажет болмады. Мамандар тұрғындарды жолға шығар алдында күн райы мен дауылды ескертулерге назар аудару керектігін ескертеді.