Газа секторында қаза тапқандар саны 44211 адамға жетті

Газа секторында Израильдің өткен жылдың қазанынан бері жалғастырып жатқан шабуылдарынан қаза тапқан палестиналықтар саны 44211 адамға жетті, деп хабарлайды 24kz.

Жараланғандар – 104 мың. Бұл туралы анклавтың Денсаулық сақтау министрлігі таратты. Кейінгі 1 күннің ішінде бомбалаудан 35 палестиналық ажал құшып, 94-і жарақат алған. Кеше Израиль әскері орталық аймақтағы Босқындар лагерін талқандады. Одан бұрын Бейт-Лахия қаласындағы Камал Адван ауруханасына шабуыл жасаған.