Нью-Джерси музейіне «Титаниктен» табылған алтын шам қойылды
Нью-Джерси музейіне әйгілі «Титаник» кемесінен табылған алтын аспалы шам көрмеге қойылды, деп хабарлайды 24kz.
Ол кезінде бірінші санаттағы жолаушыларға арналған бөлмеде ілулі тұрған. Салмағы шамамен 9 келі болатын тарихи жәдігер Атлант мұхитының түбінде 75 жыл бойы жатқан. «Соған қарамастан люстра жақсы сақталған», - дейді мамандар.
Айта кетейік, аталған көрмеде келушілер назарына 250-ге жуық экспонат қойылған. Көрме 1 кыркүйекке дейін жұмыс істейді.