Ливия астанасында қақтығыс басталды
Ливия астанасы Триполиде қақтығыс басталып, 6 адам жараланды. «Әл-Жазира» телеарнасы хабарлағандай, қаланың бірнеше ауданында атыс және жарылыстар болған.
Президент кеңесі жанындағы қауіпсіздік қызметінің басшысы Әбдел Ғани әл-Кикли қасақана өлтірілгеннен кейін бүлік шықты. Қақтығысқа байланысты Триполиде төтенше жағдай жарияланған. Халықаралық әуежай жұмысын тоқтатты. Барлық әуе рейстері жақын маңдағы Мисурата қаласына жіберілген. Билік тұрғындарды үйден шықпауға шақырды.