Йемендегі хуситтер Израильдің Хайфа теңіз айлағына жолды жауып тастады
Йемендегі хуситтер Израильдің солтүстік-батысындағы Хайфа теңіз айлағына жолды жауып тастады, деп хабарлайды 24kz.
Олар бұл Израильдің Газа секторындағы басқыншылық әрекетінің күшейтуіне және аштыққа ұшыратуына қарымта жауап деді. Сондай-ақ хуситтер еврей әуежайларына әуе соққыларын жасауды жоспарлап отыр. Оның ішінде Тель-Авивтегі Бен-Гурион әуежайы бар. Сондықтан йемендік қозғалыс барлық әуе компанияларына Израильге рейс жасаудан бас тартуға шақырды. Бұған дейін хуситтердің шабуылынан 6 адам жараланып, әуе қатынасы тоқтап қалған еді.