Газада Израиль шабуылдарынан бір күнде 93 адам құрбан болды

Газа секторында Израиль шабуылдарынан 93 адам қаза тапты. Тағы 262 палестиналық жараланған. Бұл туралы «Әл-Жазира» телеарнасы хабарлады.

Құрбандардың жартысы – балалар мен әйелдер. Әуе соққылары анклавтың орталық және солтүстік бөлігіндегі Газа дәне Дейр-әл-Балах қалаларына жасалған. Ондаған үй мен босқындар тұратын шатырлар қирады.

Естеріңізге сала кетейік, Израиль 18 мамырда жаңа құрлық операциясын бастаған болатын. Мақсаты  –  «ХАМАС» ұйымы мүшелерінің көзін жою және тұтқындарды босату.