Швейцарияда 3D-принтер көмегімен салынған әлемдегі ең биік ғимарат ашылды
Швейцарияда 3D-принтердің көмегімен салынған әлемдегі ең биік ғимарат пайдалануға берілді.
Құрылыс жұмыстары 5 айға жалғасқан. Альва мұнарасының биіктігі - 30 метр. Ол ақ түсті 32 бағанадан тұрады. Ғимарат барокко стилінде жасалған. Ішінде бөлмелер, ал төбесінде концерттік алаң орналасқан. Мұнараның басты артықшылығы - оны кез келген уақытта бұзып, қайта құруға болады. Жоба өңір туризмін дамытуға бағытталған.