Әлемді обыр жайлап барады

2022 жылы 20 миллионнан астам адамның диагнозы расталып,  9 миллионнан аса науқас қайтыс болды, деп хабарлайды 24kz.

Ал 2050 жылға қарай 20 миллион емес, әлемде қатерлі ісікке шалдыққандардың саны 35 миллионға дейін жетуі мүмкін. Бұл – Дүниежүзілік денсаулық сақтау ұйымының болжамы. Кейінгі дерек бойынша онкология Қытайда көп. Онда 5 миллионға жуық адам дертке шалдыққан. АҚШ пен Үндістан да тізім басында. Америкада 2 миллион 400 мыңдай, үнді елінде 1,5 милионға жуықтаған. Ал халық санына шаққанда қатерлі ісік ең көп таралған елдер – Австралия мен Жаңа Зеландия. Дамушы мемлекеттерде көрсеткіш төмен. Бірақ сарапшылар бұл дерек толыққанды еместігін айтады. Өйткені көбінде диагностика мен тіркеу жүйесі дұрыс емес.