Сингапур алтын сақтау қызметін іске қосты
Сингапурда енді алтын қорын сақтау қызметі жұмыс істейді. Бұл шетелдік банктер, халықаралық қаржы ұйымдары мен мемлекеттік құрылымдар үшін тиімді болуы мүмкін, деп хабарлайды 24KZ.
Бағалы металл сыйымдылығы 500 тоннаға дейін жететін ұлттық қоймада сақталады. Сонымен қатар келер жылдың сәуір айынан бастап алтынды сақтау, өңдеу, бағалау және саудалау кезіндегі делдалдық қызметтерге қатысты салықтық жеңілдіктерді көбейту көзделіп отыр. Билік өкілдері: «Бұл резервтік активке сұраныстың артуымен байланысты», – дейді.
