АҚШ-тың банк жүйесі істен шықты
АҚШ-та ірі банктердің онлайн қызметтері істен шықты, деп хабарлайды 24KZ.
Reuters агенттігінің хабарлауынша, JP Morgan, Bank of America және Chase банктерінің қызметін пайдаланушылар есепшоттарына кіре алмай қалған. Сондай-ақ олар шоттағы қаражат қалдығын тексеріп, ақша аудару операцияларын жасай алмай отыр. JP Morgan әлеуметтік желідегі парақшасында техникалық ақау болғанын растады. Қазір банк мамандары мәселені шешіп жатыр.