377,29 418,90 6.10
+7 (7172) 757 485 24kz@khabar.kz
ҚАЗ


Түркия Сириядағы күрд жасақтарына қарсы операцияны кейінге шегерді

  • 554
  • UPD: 13:38, 24.12.2018
Түркия Сириядағы күрд жасақтарына қарсы операцияны кейінге шегерді

Анкара Вашингтонмен келісімге келген соң, Сириямен арадағы шекараны екі жақтан да күшейте бастады. Бұл туралы Reuters агенттігі хабарлады.

Түркия тарапы Хатай елді мекені Кирихан ауданына жақын шекараға жүздеген танк, зеңбірек және арнайы жасақ бөлімшелерін жіберген.

Айта кетейік, Түркия Президенті Реджеп Тайип Ердоған АҚШ Президенті Дональд Трамппен телефон арқылы сөйлесіп, әскери-дипломатиялық келісімге келгенін мәлімдеген еді. Артынша АҚШ Сирия аумағынан өз әскерін шығаратындығын жеткізді. Тиісінше Түркия тарапы Евфрат өзенінің шығысына қарай күрд жасақтарына қарсы жүргізетін әскери операциясын кейінге қалдырды. Сондай-ақ Ердоған «Ирак және Левант» лаңкестік ұйымына қарсы күресті енді Түркия өз мойнына алатындығын айтқан.

Хабар 24 телеарнасы