384,85 431.47 6.11
+7 (7172) 757 485 24kz@khabar.kz
ҚАЗ


Трамп күтпеген жерден Ирактағы әскери базаға ұшып барды

  • 340
  • UPD: 13:23, 27.12.2018
Трамп күтпеген жерден Ирактағы әскери базаға ұшып барды

АҚШ Президенті Дональд Трамп Бағдаттың батысында орналасқан Айн аль-Асад әскери әуе базасына жоспарланбаған іссапармен келді.

Бірінші ханым Мелания да Трамппен ілесіп барды.  Бұл президенттік лауазымға тағайындалғалы бері және Сириядан әскерін шығаратынын мәлімдеген соң Трамптың қақтығыс ошағына жасаған алғашқы сапары. Базадағы әскерилермен әңгімелесу барысында Ақ Үй басшысы Таяу Шығыстағы бұл елден америкалық әскердің кетпейтінін айтты.

Айта кетейік, Иракта үкіметке лаңкестермен күресуде бес мыңға жуық америкалық әскер көмектесіп келеді.

Дональд Трамп, АҚШ Президенті:

- Сириядағы жағдайды бақылауда ұстау үшін Иракты база ретінде қолдана аламыз. Егер «Ирак және Левант» лаңкестік ұйымы тарапынан Америкаға ұнамайтын қимылдар жасалса, Ирактағы әскерді жіберу арқылы америкалықтар жылдам әрі ауыр соққы жасайтын болады.

Хабар 24 телеарнасы