426,73 523.00 5.95
+7 (7172) 757 485 24kz@khabar.kz
ҚАЗ

Магнитогорскіде тұрғын үйдегі жарылыстан қаза тапқандар саны артты

  • 691
  • UPD: 14:25, 02.01.2019
Магнитогорскіде тұрғын үйдегі жарылыстан қаза тапқандар саны артты

Магнитогорскідегі тұрғын үйдегі жарылыстан қаза тапқандардың саны артты. Екі күн ішінде қирандылардың астынан 14 адамның денесі табылды.

Тағы 30-дан астам тұрғынның тағдыры әлі белгісіз. Төтенше жағдайлар министрлігі «100-ден астам құтқарушы тартылғанымен қирандыларды аршу жұмысы бірнеше күнге жалғасады» дейді. Апатты жағдайдағы үйдің қалған қабырғалары құлап кетпес үшін ауыр техника қолданылып жатқан жоқ.

Естеріңізге салсақ, Магнитогорскте желтоқсанның 31-де таңғы сағат 4-тің шамасында 9 қабатты үйде тұрмыстық газ жарылды.  Салдарынан 26 пәтерлік тұтас бір подъезд опырылып ортасына түсті. Аталған пәтерлерде 46 адам тұрған.  Осы  іс бойынша тергеу амалдары жүргізілуде. Алдын ала болжамға сәйкес, тұрмыстық газды қолдануда сақтық ережесі өрескел бұзылған.

Хабар 24 телеарнасы