378.98 423.00 5.88
+7 (7172) 757 485 24kz@khabar.kz
ҚАЗ


Венесуэладан қашқан әскерилердің саны артты

  • 177
  • UPD: 16:07, 25.04.2019
Венесуэладан қашқан әскерилердің саны артты

Венесуэлада көрші Колумбия мен Бразилияға қашқан әскерилердің саны артуда.

Колумбия иммиграциялық қызметінің мәлімдеуінше, биыл жыл басынан бұл мемлекетке 1 мың 400 жауынгер, ал Бразилияға 60 әскери бас сауғалаған. Сарбаздардың шекара асуына Мадуро билігінің шерулерге қарсы күш қолдануы және мардымсыз жалақы себеп. Олардың айтуынша, елде төменгі шенді әскерилер күндерін әзер көріп отырғанда, жоғары басшылық контрабандамен айналысып жақсы өмір сүруде. Сондықтан Мадуро билігіне қарсы шығуға ниетсіз. Айта кетейік, Венесуэланың БҰҰ-дағы өкілі ақпан айында елдегі шетелге тек 109-ы жауынгердің қашқанын мәлімдеген еді.

Венесуэлалық әскери:

– Мадуро халықты бақылауда ұстау үшін жоғары әскери басшылықтың барлық жағдайын жасап отыр. Өйтпесе әскерилердің төңкеріс жасауы мүмкін екенін біледі. Бірақ қазір наразылық шерулерін басатын сарбаздар азайып, жағдай шиеленісіп келеді.

Хабар 24 телеарнасы