383,01 431.47 6.11
+7 (7172) 757 485 24kz@khabar.kz
ҚАЗ


Ұлыбританияда жүргізушісіз трактор нұсқасы ұсынылды

  • 120
  • UPD: 08:37, 12.07.2019
Ұлыбританияда жүргізушісіз трактор нұсқасы ұсынылды

Бүгінде жартылай автоматтандырылған фермалар үйреншікті нәрсеге айналды. Енді олардың орнын біртіндеп автономды шаруашылықтар басып келеді, деп хабарлайды «Хабар 24».

Осы ретте ауыл шаруашылығы техникасын құрастыратын британдық компания жүргізушіні тіпті операторды да қажет етпейтін трактор нұсқасын ұсынды. Бұл көлікте жүргізуші кабинасы жоқ. Және ол түгелдей дерлік электроникамен жабдықталыпты. Құрастырушылардың айтуынша, олар толықтай бағдарламаланған. Сондықтан тәулік бойы тоқтаусыз жұмыс істеп, шаруалардың өнімділігін арттыруға септігін тигізе алады. Дей тұрғанмен, озық технологияны шаруашылыққа енгізу үшін әлі де уақыт керек секілді. Себебі мұндай көліктер бір жағынан өте қымбат болса, екіншіден кез келген аймаққа жарай бермейді екен.

Хабар 24 телеарнасы