386,83 431,60 5.87
+7 (7172) 757 485 24kz@khabar.kz
ҚАЗ


Түркияда мигранттар мінген автобус аударылып, 16 адам қаза тапты

  • 155
  • UPD: 17:35, 19.07.2019
Түркияда мигранттар мінген автобус аударылып, 16 адам қаза тапты

Түркияның Ван провинциясында заңсыз көшіп-қонушылар мінген шағын автобус аударылып, салдарынан 16 адам қаза тапты және 51 жолаушы зардап шекті, деп хабарлайды Қазақпарат Анадолу агенттігіне сілтеме жасап.

Жол-көлік оқиғасы Ван-Озалп жолында Ипекйолу ауданына жақын жерде болған. Жүргізуші рульді басқара алмай, шағын автобус жыраға түсіп кеткен. Оқиға орнына жедел жәрдем бригадасы мен құтқарушылар келді. Зардап шегушілер жақын маңдағы ауруханаларға жеткізілді.

Ван провинциясының губернаторы Мехмет Эмин Билмездің хабарлауынша, кейбір жарақат алғандардың жағдайы ауыр.

Хабар 24 телеарнасы