386,34 428,03 5.89
+7 (7172) 757 485 24kz@khabar.kz
ҚАЗ


Экологтар Сібірдегі орман өртінің салдары ауыр болатынын айтып, дабыл қағуда

  • 202
  • UPD: 08:29, 01.08.2019
Экологтар Сібірдегі орман өртінің салдары ауыр болатынын айтып, дабыл қағуда Obozrevatel

Сібірдегі орман өртін сөндірудің қажеті жоқ. Краснояр өлкесінің губернаторы Александр Усстың бұл мәлімдемесі экологтардың ызасын келтірді, деп хабарлайды «Хабар 24».

Оған жауап ретінде қоршаған ортаны қорғаушылар арнайы баспасөз мәслихатын өткізді. Олардың айтуынша, өрт ошағын дер кезінде анықтап, тиісті шара қолданғанда орасан шығын әкелген табиғи апаттың алдын алуға болар еді. Енді өрттің салдары ауыр болатынын айтып, экологтар дабыл қағуда.

Андрей Пешков, Жалпыресейлік табиғат институтының директоры:

- 3,5 миллион гектар аумағындағы биотіршілік жойылды. Бұл нені білдіреді? Сол орманды мекендейтін аң-құс қырылып қалды. Жөке ағаштары, балқарағай сынды флора мен фаунаны жоғалттық. Мұндай экологиялық шығынның мөлшері өртті сөндіруге кететін ақшадан асып түседі. Тіпті, отты зәмзәм сумен өшірген күннің өзінде, осыншалық шығынның алдын алуға болар еді.

Естеріңізге салсақ, алапат өрт Красноярдан бөлек, Иркутск және Бурятияның бір бөлігін шарпыған. Бүгінде орманды алқаптың 3 жарым миллион гектары күлге айналды. Ал, оның түтіні Томск, Новосібір, Кемер, Алтай, Хакасия мен Қазақстанның кей аймағына тарап үлгерген. Өңірдегі денсаулық сақтау министрлігінің хабарлауынша, адамдардың тыныс алуы қиындап, дәрігерге жиі қаралуда. Статистикалық көрсеткішке сәйкес, емханаға қаралу жиілігі 15%-ке артқан.

Хабар 24 телеарнасы