386,34 428,03 5.89
+7 (7172) 757 485 24kz@khabar.kz
ҚАЗ


АҚШ Ресей және Қытаймен жаңа ядролық келісім жасасуға ниетті

  • 185
  • UPD: 14:43, 03.08.2019
АҚШ Ресей және Қытаймен жаңа ядролық келісім жасасуға ниетті

АҚШ елі Ресей және Қытаймен жаңа ядролық келісім жасаспақ. Бұл туралы Америка президенті Дональд Трамп мәлімдеді.

Десе де, Құрама штаттар мұндай қадамға тек орта және қысқа қашықтыққа ұшатын зымырандарды жою жөніндегі келісімнен шыққаннан соң ғана бармақ. Ресми шешім өз күшіне еніп те қойған. Трамптың айтуынша, Мәскеу мен Бейжің бұл келісімге асқан қызығушылық танытып отырса керек.

Дональд Трамп, АҚШ Президенті:

- Біз ядролық қару келісімі бойынша Ресей тарапымен сөйлестік. Әңгіме барысында аталған келісімге сай екі тарап та ядролық қарудың кей бөліктерінен бас тартуы қажет екені айтылды. Қазір бұған Қытай елін де қосқымыз келеді. Егер келісімге келе алсақ, бұл бүкіл әлем үшін тиімді болар еді. 

Естеріңізге сала кетейік, 1987 жылы АҚШ пен КСРО басшылары қашықтығы 500-ден 5500 шақырымға жететін зымырандарды қолдануға тыйым салатын келісімге қол қойған еді. Кейін Америка елі ұшу қашықтығы 500 шақырымнан асатын жаңа қанатты зымыран жасап шығарды деп Ресейді айыптаған болатын. Алайда Ресей билігі мұны жоққа шығарып келді. Ақырында АҚШ-тың аталған келісімнен бір жақты шығуынан соң Ресей келісім-шарттарын орындауды тоқтату туралы қаулыға қол қойды.

Хабар 24 телеарнасы