389,71 430,40 6.06
+7 (7172) 757 485 24kz@khabar.kz
ҚАЗ


Кореяда қарттар үйіндегі өрттен екі адам қаза тапты

  • 183
  • UPD: 15:52, 24.09.2019
Кореяда қарттар үйіндегі өрттен екі адам қаза тапты

Сеулдан батысқа қарай орналасқан Кимпхо қаласында қарттар үйінде өрт шығып, салдарынан егде жастағы екі адам қаза тапты. Тағы 47 адам зардап шекті.

Бес қабатты ғимараттағы өрт таңертең сағат 09:03-те басталған. Өрт тұтанғанда ғимаратта 130 адам болған. Зардап шеккендердің ішінде алты адам ауыр халде жатыр. Олардың барлығында газдан улану белгілері анықталды. Барлық пациенттер ғимараттан эвакуацияланды. Өрт төртінші қабаттағы бойлер ғимаратынан тұтанған.

«Қазандықтағы түтін науқастардың бөлмелері мен осы қабаттағы интенсивті терапия бөліміне тараған», - деді Кимпхо өрт сөндіру стансасының өкілі Вон Джун хи (Won Joon-hee). Қаза тапқан екі адам интенсивті терапия бөлімінде жатқан. Зардап шеккен 47 науқас қазіргі уақытта жақын маңдағы 11 ауруханада ем алып жатыр. Қарттар үйі ғимараттың үшінші және төртінші қабатында орналасқан.

Yonhap

Хабар 24 телеарнасы