412,24 465,50 5.83
+7 (7172) 757 485 24kz@khabar.kz
ҚАЗ


АҚШ-та қалың қар салдарынан 800 әуе рейсі тоқтатылды

  • 405
  • UPD: 13:01, 02.12.2019
АҚШ-та қалың қар салдарынан 800 әуе рейсі тоқтатылды CNN

АҚШ-та елдің шығыс жағалауына түскен қалың қар салдарынан 800-ден аса әуе рейсі тоқтатылды, деп хабарлайды ҚазАқпарат CNN-ге сілтеме жасап.

Телекомпанияның мәліметі бойынша, қалың қар салдарынан 6 мыңға жуық ішкі және халықаралық рейстер кешіктіріліп жатыр. Америкалық Delta Air Lines әуекомпаниясының ұшақтарының бірі Баффало қаласы (Нью-Йорк штаты) әуежайында ұшу-қону жолағынан шығып кетуіне қолайсыз ауа-райы себеп болған. Метеорологтардың болжамынша, қолайсыз ауа-райы бүгін де сақталуы тиіс.

«Сенбі күні Оңтүстік Дакота штатында шағын ұшақ құлап, ұшқыш пен екі бала қаза тапқан. Айдахо-Фоллз (Айдахо штаты) қаласына бағыт алған әуе кемесі Чемберлен әуежайынан ұшқаннан кейін бірнеше уақыттан соң құлаған. Оның да қолайсыз ауа райы себепші болуы мүмкін», делінген хабарламада.

Хабар 24 телеарнасы